喜鍋 海鮮‧火鍋‧小廚 (已結業)

玩完水梗系要食餐好㗎啦，今晚我哋谂住打边炉。好耐未食过药膳鸡煲，所以我哋个汤底拣咗药膳醉鸡，见到佢个汤底都真材实料，真系越煲越出味。到最后食菜嘅时候个汤简直系甜到不得了。佢啲鸡真系滑到不得了，真系有啲后悔净系嗌左半只。食完晒鸡之后我哋就嗌其他打边炉嘅𩠌，其中我哋叫咗个黑毛猪，虽然得四片，但系片片都好大块，两个女仔来讲其实都够。我哋叫咗个三色滑，分别系黑松露墨鱼滑，蟹子下滑同埋瑶柱墨鱼滑。墨鱼滑都好弹牙但系虾或者争少少。另外我哋仲试咗佢半分韭菜饺，不过如果𠮶啲馅可以再多啲就好啦。海鲜方面我哋叫咗个即食嘅矶煮鲍鱼，佢个鲍鱼都好入味而且好厚身，够晒弹牙，最重要系而家做紧优惠价$18.5就食到啦。另外我哋仲叫咗个海鲜拼盘，都系做紧优惠价$168，有齐五款海鲜，全部都好新鲜，只虾仲识郁嘅添。然后就有我最钟意食嘅鱿鱼须，平时一条鱿鱼都得几条须，但系今次成碟都系鱿鱼须，唔使争。我哋叫咗个蔬菜拼盘，都有四款唔同嘅菜，其中芥兰苗都几好食。另外最正嘅系啲萝卜，煲到最后索晒啲汤，啲萝卜又够甜又冇渣。食到饱饱拎埋佢个社交平台仲有八八折添。