Noc Noc

营业中

休息中

今日同朋友嚟咗大埔一间好chill嘅酒吧餐厅食饭。本身都系谂住揾个地方倾吓计食吓嘢，冇乜好高expectation，点知呢度嘅嘢食系意想不到咁高质！我哋一人拣咗一款嘢食， 开心share。铁板烤牛配墨西哥薄饼🇲🇽🌮好耐冇食过墨西哥薄饼，因为都唔系随处可以食得到。卖相好精致，仲配有几款配料，包括我最爱嘅牛油果酱，芝士碎，番茄莎莎，酸忌廉。我哋急不及待，将烤牛肉同所有配料放入薄饼入面，一啖咬落去，味道超夹，非常满足！卡真香辣杂锦扁意粉🍝其实我哋都唔知咩系卡真，见几得意就叫嚟试吓。呢个意粉有好多配料，包括虾，鸡肉，辣肉肠。调味偏重口味，非常香辣惹味。好奇上网睇睇，原来卡真系糅合咗法系加拿大、西南美洲，西班牙烹饪风格而形成的独特传统风味，夹杂着好几种胡椒中的香味。难怪呢个菜式味道香浓独特。