The Wall Street Bar & Lounge

营业中

休息中

之前朋友带我去过呢间位于尖沙咀金巴利道嘅酒吧餐厅，钟意佢嘅布局甚有英伦风感觉，气氛相当唔错。虽然系主打酒吧，但餐牌都相当多元化，有唔少海鲜肉类选择，亦有其他意粉、饭、小食和甜品选择。呢餐我哋点咗个二人晚餐，贪佢够晒丰富，有齐餐汤、前菜、意粉、扒类及饮品。两个前菜分别点咗矶煮冻鲍鱼及风干火腿腿凯撒沙律，鲍鱼入口鲜甜，味道相当不错。凯撒沙律口味清新，配以风干火腿带出淡淡咸香味。海胆鲜虾扁意粉- 海胆鲜味，配以香浓嘅鲜虾酱汁，意粉亦煮得弹牙，相当有惊喜嘅一道菜。烧牛柳配大虾 - 牛柳肉质鲜嫩，入口juicy，味道唔错，就算点咗七成熟都依然嫩口，大虾亦爽口好味。另外跟creamy嘅薯蓉及芦笋，感觉清新。餐饮点咗水果茶，入口清新，充满果味，店员仲有主动加热水，相当细心。 餐厅食物质素有惊喜，饮品选择好多，啱晒同朋友饮嘢或食饭叙旧呀。