御名園 (已結業)

同屋企人食饭最钟意择酒楼，多野食又坐得舒服，屋企附近呢间酒楼质素都唔错，呢排仲有啲晚市组合几抵食。。是日炖汤特价「黄金石斛花炖响螺 $43.8 」，见咁平就叫左黎饮，估唔到几足料，黄金石斛花好滋补同好甜，养生之选。。叫左个「晚市组合 D $368」包括：生猛西澳龙虾伊面底，配陈皮脆香烧鹅皇。价钱就真系好抵食，自己买只龙虾都唔止$3xx😂仲要配埋烧鹅皇，真心高质又大碟，伊面底好食，个汤汁唔会好杰。。晚市小菜就叫左个「精品黑豚叉烧皇 $98」次次食佢啲叉烧都好正，半肥瘦够晒靓仔，又大碟又厚身。加蒸条鱼都唔贵「清蒸老虎斑 $188」斤几既老虎斑都系百零蚊，蒸鱼豉油整得几好，唔太甜但好香。。前菜好似4位一碟，但前菜系好食既，多种类既花生🥜，呢间都好多熟客既酒楼，食物真系唔错。