十三少 (已結業)

同中同约食饭，佢话想食酸菜鱼，我就上网睇下附近有乜酸菜鱼推介，见到呢间十三少好多人推介，就去试下。🤩无谂过平日晚市都咁爆，超多街坊帮衬。😂的确系好正，坐得几舒服，而且食物质素真系好高，我同朋友都好钟意，系值得推介。👍🏻十三少酸菜鱼 (小辣)一上枱真系吓亲，劲大碟，以为叫错咗劲量版。😅其实只系正常size。麻味足够，不过辣比我想像中冇咁劲，下次可以叫中辣试下。汤底好入味，又唔会饮到好口渴，唔错。鱼超滑，呢碟应该系我食过嘅酸菜鱼Top 3。😋麻婆豆腐 豆腐好滑，个酱都做得好出色，麻辣得好过瘾。👍🏻送饭食真系一流。椒麻皮蛋 皮蛋口感唔错，有小小流心既感觉。味道系几好的，如果再麻d就仲正。🤩系值得一试。