前家樂餐廳火鍋店 (已結業)

朋友约话去食前家乐鸡煲，我一开头仲以为系呢个「钱家乐」🤣 餐厅位于大角嘴，系奥运站行过去都好快好方便。店内企理干净，装潢简简单单并不花巧，我反而觉得咁先有食鸡煲的feel😬本身谂住食麻辣鸡煲，但系睇menu的时候竟然见到有花雕醉鸡煲，我即时眼前一亮👀因为唔系好多地方有醉鸡煲食架！于是我地即时转钛点左花雕醉鸡😆✌🏻汤底有好多药材，红枣、杞子，哈哈顿时觉得好养生呀！而且酒气浓郁，但系又唔会有呛鼻的感觉。餐厅老板话佢地既鸡系用三黄鸡，所以食落去会比一般鸡更加嫩滑。我觉得餐厅好贴心既系火锅食材可以比客人选择半份/一份，方便客人想试多d唔同的配菜。呢个花雕醉鸡煲真系无嗌错，所有配料都吸收晒汤底的精华，食落去有淡淡的花雕酒香味！正！顺带一提呢间餐厅系属于家庭式经营，所以得老板，老板爸爸，妈妈三个人去serve，所以如果佢地客人好多好繁忙既时候，就耐心等下啦～不过食物质素好既，其实等下又有咩所谓窝😬😬