方叔叔重慶老火鍋 (PopCorn 2) (已結業)

好耐都冇打边炉啦，今日决定黎食呢间正宗重庆麻辣火锅，结果质素真系超出我预期咁好，而且入边熟客好多而店员既态度同服务真系好好，所以佢经常爆满都系有原因的。睇呢到有好多人都系食麻辣同花胶鸡汤鸳鸯锅，咁又的确系几抵食而且仲可以饮下鸡汤。全程QR code落单而个汤同埋食物都好快到，店员会好仔细讲每样食物系咩，因为我嗌得多肉类，佢惊我地会捞乱仲突登讲左几次，再上每碟食物都有建议既烹煮时间，未食其实已经觉得好用心做，同一般放题或火锅店唔同。鸡汤真系好鲜味而且胶质十足，亦都跟埋鸡件，肉质几嫩冇雪味。麻辣锅好香而且牛油都落得好足，未食已经狂吞口水。食物方面整体都非常高质，有好几款未见过既食物，包括小水母、现炸豆皮同埋鱼籽虾滑。小水母食落真系几正，非常爽口而且好索汁，麻辣汤底加埋佢爽弹既口感好特别。豆皮同一般既响铃唔同，食落有咬口而且佢即炸既关系所以仲有好香既豆味，1 分钟左右就会内外都索哂汤，浓郁豆味同埋汤底结合埋真系好出色! 虾滑食落比一般既更弹牙而且虾味好浓郁!其他食材其实都好出色，基本上成餐饭食完系会好满足而且唔觉得有咩系相对差既。真系一定会再帮衬，而家仲有埋食够$200送$100既coupo