繼

营业中

休息中

老友J小姐为咗表示我帮佢买到平机票，今日请我去荔枝角d2 place食铁板烧，呢间铁板烧位于d2 place二期，听讲话以前价位偏高，而家开始做下价格亲民嘅午市套餐，今日冇订位嘅情况下walk in入去食午餐，好彩都安排到座位。我到嘅时候朋友J小姐已经叫咗餐，其实我都唔知佢叫咗咩，只知道有宫崎牛，鲍鱼，同蟹，全部都好好食，尤其是𠮶块牛同蒜片，仲有𠮶件蟹嘅蟹膏都好多，份量唔多但全部系高质食材，师傅话原汁原味最好，所以我哋都好冇乜点调味料，餐后嘅咖啡竟然出奇地好饮，今日真系非常多谢朋友J小姐，请我食咗一餐咁丰盛高级嘅铁板烧午餐。