鉄人大盛 (已結業)

放题大家就试得多啦，铁板烧放题大家又试过未呢?尖沙咀开咗呢间鉄人大胜,喺格兰中心底层。占地非常之大，容纳咗好几张铁板烧枱，服务客人。 师傅会即场喺铁板上面烧烤，供客人观赏，真系即叫即做绝不欺场。 铁板烧好够镬气，好似表演咁。 而且味道的确系值得一赞。 餐厅食物款式非常之多，任食唔嬲。枱枱先上一盘齐齐整整嘅刺身。贵价品有三文鱼腩，带子，牡丹虾，吞拿鱼及油甘鱼等等。食呢盘都已经值回票价。 所有刺身都好新鲜甜美，尤其是系牡丹虾，甜虾，大大只。三文鱼腩够肥美饱满，仲有油甘鱼既甘香美味。 基于唔想太饱肚嘅关系，寿司类只系点咗两款卷物，青龙卷同软壳蟹卷， 呢两款正常发挥。 呢度除咗刺身系正之外，铁板烧都系值得推介嘅。 头先上面幅图就系师傅帮我哋烧紧泰式鸡扒， 泰式鸡扒烧得非常香口，再加埋惹味嘅泰式辣酱，真系好食到停唔到口。 下面嘅系烧羊架，同样系唔苏，又够嫩口。 上面分别系黑松露酱嘅烧鱼柳同埋柠檬牛油香草烧鱼柳，两款都好惹味。 上面睇到嘅烧鱼柳， 烧得够金黄香脆，酱料亦非常之足，令人食指大动。 仲有烧鳗鱼 鲭鱼，同埋牛舌。鳗鱼烧得好香， 甜甜地 肉质又够嫩。鲭鱼肉质鞋身，同样系好出味。 当然亦唔少