影片
更多
2024-01-31
3036 浏览
喜欢食铁板烧🔥贪佢一次过可以将矜贵新鲜海鲜鲜味，以及和牛嘅肉味一网打尽🥅又可以将师傅功架尽收眼底👀绝对系味觉同视觉享受🥰嚟到铜锣湾呢间铁板烧雪舟，系开业十几年嘅老字号，质素有保证👍🏻餐牌设计揉合不时不食概念，会不时供应当季最当造嘅食材，好似呢日品尝嘅🦞原只龙虾二人前套餐，就夹杂松茸、羊肚菌等冬季时令食材，亦会配合客人喜好去设计菜单，好贴心。呢晚由总厨炮制料理，我同朋友都大饱口福👅👅餐厅仲有VIP房，可以预早book定呀。原只龙虾套餐二人前🤍前菜腌渍莲藕好爽口，酸甜开胃。🥗季节沙律🩶雪舟活南非鲍鱼不论烹调前抑或烹调中，两者鲍鱼都使劲地蠕动，足见有几新鲜生猛🤣🤣口感做得好好，爽弹带点嚼劲。鲍鱼大只得要用刀叉慢慢食。底下配以海苔汁，微微咸香正好衬托鲍鱼鲜味😋🐟季节海鲜金目鲷多数用作刺身、寿司，师傅话佢哋可能系第一间将金目鲷做成铁板烧呢。鱼肉鲜嫩到不得了😚😚又有啲鱼油香。师傅系铁板上用牛油加柠檬做成浓稠嘅酱汁🍋酸酸甜甜又够香，同金目鲷好夹。🍍焦糖菠萝伴鹅肝鹅肝嘅厚度可算系我食过之中数一数二🤩表面煎得焦香，咬落鹅油滴晒出嚟💦中间又甘香软滑，邪恶😈酱汁除超级咗意大利醋，仲有少见嘅红酒蓝啤梨汁，酸酸
原只龙虾套餐二人前
🤍前菜
腌渍莲藕好爽口，酸甜开胃。
🥗季节沙律
🩶雪舟活南非鲍鱼
不论烹调前抑或烹调中，两者鲍鱼都使劲地蠕动，足见有几新鲜生猛🤣🤣口感做得好好，爽弹带点嚼劲。鲍鱼大只得要用刀叉慢慢食。底下配以海苔汁，微微咸香正好衬托鲍鱼鲜味😋
🐟季节海鲜
金目鲷多数用作刺身、寿司，师傅话佢哋可能系第一间将金目鲷做成铁板烧呢。鱼肉鲜嫩到不得了😚😚又有啲鱼油香。师傅系铁板上用牛油加柠檬做成浓稠嘅酱汁🍋酸酸甜甜又够香，同金目鲷好夹。
🍍焦糖菠萝伴鹅肝
鹅肝嘅厚度可算系我食过之中数一数二🤩表面煎得焦香，咬落鹅油滴晒出嚟💦中间又甘香软滑，邪恶😈酱汁除超级咗意大利醋，仲有少见嘅红酒蓝啤梨汁，酸酸咪咪中和腻感😛另外配以焦糖菠萝及士多啤梨，菠萝表面盖上一层脆卜卜焦糖，满足。
🦞原只澳州活龙虾
龙虾亦非常新鲜，肉质好爽弹，啖啖肉👍🏻👍🏻师傅用一整兜嘅海胆炒成酱😍裹上每颗龙虾肉，加上龙虾汁，鲜味加倍。另外仲加上basil酱，香草嘅味道令菜式增添fusion感觉。
🥩日本和牛厚烧或和牛薄烧2食
先食以寿喜烧作灵感嘅薄烧，牛肉好嫩滑，寿喜烧汁调味适中，欣赏佢唔会太咸😋😋沾上滑溜蛋汁好正。厚烧亦出色👏🏻煎得啱啱好，外面食到牛肉嘅实在感之余，中心位亦食到好似牛舌芯个种爽弹兼juicy嘅口感，就咁食已经好好，配以wasabi或比较特别嘅金山寺味噌，更惹味。
🍲松茸大蚬汤
用特制透明纸绑成袋形，盛载汤汁，再系铁板上煮滚，增加视觉效果😎汤头充满大蚬精华，鲜味颇浓，仲有松茸。
🍚铁板烧黑松露釜饭
2月先开始供应，之前系用大量大闸蟹粉🦀做成嘅炒饭，而之后就会供应釜饭，铁板烧嚟讲好少见👏🏻师傅话知道食客食得咁饱之后未必想食好油腻嘅炒饭，所以设计出呢个清清地嘅素菜🥰用上冬季当造嘅羊肚菌、松茸、黑松露，好矜贵。打开盖后先加入三文鱼子，再即席刨上黑松露片，视觉效果一流😆饭粒饱满软熟，深啡色嘅颜色来自浸泡菇菌嘅水，所以食落充满菇菌嘅鲜味，味道超级超级正😋😋口感亦相当丰富，有富食疗功效嘅羊肚菌及松茸，好少系中式炖汤以外见到羊肚菌踪影，师傅设计好好🫶🏻侧边亦食到香口饭焦。平时铁板烧嘅炒饭我都系饱到唔enjoy，呢个我可以瞬间清晒🤪2月开始供应约一个季度，强烈建议大家快啲嚟试吓🕺🏻
🥬季节野菜
🍼时令甜品
质感偏向挺身，奶味好香，做饭后甜品一流☺️
人均消费：$1480
推介指数（10分为满分）：8.5分
张贴
