影片
更多
2021-12-14
107 浏览
听朋友讲kura有好多清酒，现场仲有唎酒师帮你拣清酒，而且价钱合理，梗系即刻约个钟意饮酒又饮极都唔醉嘅朋友去啦🥳去到等一时间就系拣酒🤣朋友话要dry啲嘅，辛口啲嘅，唔识饮酒嘅我乜都话好呀好呀，之后师傅就介绍几款俾我哋，我哋拣咗佢推荐嘅第一款，一枝$368，720ml，以咁嘅餐厅嚟讲，真系好抵😆买清酒仲可以加$100，加2只新鲜鲍鱼，正呀😆食到一半，枝清酒已经饮晒，我建议不如拣多枝酒，两个人饮两枝清酒其实都几癫，当时我已经饮到傻傻哋，唔系好分得清两枝酒嘅分别，不过两枝包装都几靓，都系比较dry啲嘅，印象中第一枝有果香味，如果大家同我一样唔系好识饮，就叫师傅拣啦，应该都唔会太差。饮咁多酒，梗系要食番咁多啲野先唔会咁易醉啦🤣松叶蟹肉他他全晚最钟意嘅菜，劲好味，蟹肉好多，下面有层牛油果，好开胃，又好味又健康，系当日推介嘅菜单之一，一定要试呀😋日本海胆生和牛卷和牛系全生嘅，介意嘅朋友要留意啦，好彩朋友乜都食，我就食上面层海胆同鱼子酱，仲有金箔呀，好矜贵呀，而佢就食埋层和牛😆鳕鱼刺身生食鳕鱼真系唔敢想像，不过店员话层皮系有微微烧过嘅，好奇之下我哋又试咗啦。口感唔会好生，都几得意。鲍鱼鲍鱼劲新鲜，仲
听朋友讲kura有好多清酒，现场仲有唎酒师帮你拣清酒，而且价钱合理，梗系即刻约个钟意饮酒又饮极都唔醉嘅朋友去啦🥳
去到等一时间就系拣酒🤣朋友话要dry啲嘅，辛口啲嘅，唔识饮酒嘅我乜都话好呀好呀，之后师傅就介绍几款俾我哋，我哋拣咗佢推荐嘅第一款，一枝$368，720ml，以咁嘅餐厅嚟讲，真系好抵😆买清酒仲可以加$100，加2只新鲜鲍鱼，正呀😆
食到一半，枝清酒已经饮晒，我建议不如拣多枝酒，两个人饮两枝清酒其实都几癫，当时我已经饮到傻傻哋，唔系好分得清两枝酒嘅分别，不过两枝包装都几靓，都系比较dry啲嘅，印象中第一枝有果香味，如果大家同我一样唔系好识饮，就叫师傅拣啦，应该都唔会太差。
饮咁多酒，梗系要食番咁多啲野先唔会咁易醉啦🤣
松叶蟹肉他他
全晚最钟意嘅菜，劲好味，蟹肉好多，下面有层牛油果，好开胃，又好味又健康，系当日推介嘅菜单之一，一定要试呀😋
日本海胆生和牛卷
和牛系全生嘅，介意嘅朋友要留意啦，好彩朋友乜都食，我就食上面层海胆同鱼子酱，仲有金箔呀，好矜贵呀，而佢就食埋层和牛😆
鳕鱼刺身
生食鳕鱼真系唔敢想像，不过店员话层皮系有微微烧过嘅，好奇之下我哋又试咗啦。口感唔会好生，都几得意。
鲍鱼
鲍鱼劲新鲜，仲郁紧，而且都好大只，师傅将鲍鱼处理得好干净，烧得好弹牙，不需要太多调味料，就可以食到佢嘅鲜味。
紫苏鸡丸
紫苏包住鸡丸，之后系铁板上烧熟，再加上酱汁，好好味，当然仲有个生鸡蛋沾嚟食，正。
铁板烧牛舌
牛舌切条，烧完之后好弹牙，食多两件都唔会腻，下面仲铺咗啲唔同颜色嘅海带，几得意。
美国顶级牛柳
因为之前叫咗和牛卷，所以呢个就试吓牛柳，要咗5成熟，估唔到咁好味，好香牛味，又同时保持鲜嫩度，推荐。
和牛蒜香炒饭
食铁板烧好似一定要食个饭先完整，师傅都好了解我哋，最后先炒个饭俾我哋。和牛香气十足，啲饭炒得好干身，加埋一齐真系好正好满意。
我哋去嘅时候冇乜人，后来坐满人，到走嘅时候好似又得番我哋🤣两个大胃王由头食到落尾，真系好食得🤭又系劲开心劲满足嘅一晚😆
张贴
