影片
更多
2024-06-11
39 浏览
九龙城多出名泰国嘢食，但系今日比我遇到间喺九龙城嘅高质铁板烧《入魂》，佢哋嘅海鲜每日都系新鲜送到，今日嚟呢度食咗佢哋嘅lunch，$680商务套餐二人前【商务套餐二人前】🥢鹅肝鹅肝煎到外脆内嫩，咬落去外层轻轻脆，内里却非常嫩滑，油脂丰富但唔会觉得油腻。鹅肝嘅味道浓郁而且非常香口，鹅肝配左苹果，苹果加咗黑醋，黑醋甜味同鹅肝嘅浓香令整个味道层次更加丰富 🥢大虾师傅先帮大虾剥咗壳，先轻轻煎一边，再反过嚟煎另一边，时间掌握得啱啱好。煎到虾肉呈现出金黄嘅色泽，外面微微焦香，虾肉口感爽弹🥢甘鲷将鱼煎到外面金黄香脆，而内里依然嫩滑，最特别嘅系鱼皮，师傅将鱼皮煎到卜卜脆，配埋罗勒忌廉汁，更加提升咗整道菜嘅味道，有啲似沙律汁，罗勒忌廉汁嘅味道好醒胃🥢日本广岛蚝日本广岛蚝大只饱满，而且味道鲜甜浓郁，师傅熟练咁掌握时间，将蚝煎到外面微微焦香，内里仲保持住嫩滑嘅质感🥢清酒煮蚬首先放咗一张锡纸兜喺铁板烧上面，再将清酒倒落去锡纸兜入面。佢一点火，清酒嘅酒精就开始挥发，望住锡纸兜入面嘅清酒慢慢滚起嚟，个效果真系好震撼，师傅放入沙白蚬喺清酒入面煮，睇住佢哋一只只胀卜卜咁出嚟，啱啱煮好嘅蚬肉，又弹又滑，清酒嘅香气同蚬肉
【商务套餐二人前】
🥢鹅肝
鹅肝煎到外脆内嫩，咬落去外层轻轻脆，内里却非常嫩滑，油脂丰富但唔会觉得油腻。鹅肝嘅味道浓郁而且非常香口，鹅肝配左苹果，苹果加咗黑醋，黑醋甜味同鹅肝嘅浓香令整个味道层次更加丰富
🥢大虾
师傅先帮大虾剥咗壳，先轻轻煎一边，再反过嚟煎另一边，时间掌握得啱啱好。煎到虾肉呈现出金黄嘅色泽，外面微微焦香，虾肉口感爽弹
🥢甘鲷
将鱼煎到外面金黄香脆，而内里依然嫩滑，最特别嘅系鱼皮，师傅将鱼皮煎到卜卜脆，配埋罗勒忌廉汁，更加提升咗整道菜嘅味道，有啲似沙律汁，罗勒忌廉汁嘅味道好醒胃
🥢日本广岛蚝
日本广岛蚝大只饱满，而且味道鲜甜浓郁，师傅熟练咁掌握时间，将蚝煎到外面微微焦香，内里仲保持住嫩滑嘅质感
🥢清酒煮蚬
首先放咗一张锡纸兜喺铁板烧上面，再将清酒倒落去锡纸兜入面。佢一点火，清酒嘅酒精就开始挥发，望住锡纸兜入面嘅清酒慢慢滚起嚟，个效果真系好震撼，师傅放入沙白蚬喺清酒入面煮，睇住佢哋一只只胀卜卜咁出嚟，啱啱煮好嘅蚬肉，又弹又滑，清酒嘅香气同蚬肉嘅鲜甜，加埋一齐，味道更加浓郁而且层次分明，鲜甜到忍唔住成碗饮晒
🥢美国牛肉薄烧
师傅将炸蒜同葱放喺牛肉片上，然后灵巧地将牛肉片卷起嚟，动作俐落而且专业。好多铁板烧都会炸定啲蒜片做薄烧牛肉，但系呢度唔同，师傅系即时喺你面前做炸蒜粒，牛肉我哋拣咗三成熟，烧到啱啱好入口有爆油脂入口即溶感觉
🥢日本黑豚肉薄烧
黑豚肉烧到外面微微焦黄，肉汁锁住喺入面，黑豚肉嫩滑多汁，脂肪同瘦肉比例刚好，将新鲜嘅苹果条卷入豚肉片入面，苹果条带出咗一种清甜嘅味道，令整个口感变得好轻盈
【甜品】
开心果雪糕配焦糖多士
焦糖多士系铁板烧即时烧制，啲焦糖系铁板上煎得好香脆，有独特嘅焦糖香，雪糕嘅质地超级滑顺，啲开心果碎带出浓郁嘅坚果香
，将雪糕放喺焦糖多士上面食，有另一番丰富嘅口感
张贴
