影片
更多
2023-07-31
87 浏览
行过荔枝角就试吓呢间餐厅，今日系平常日子，都好多人嚟帮衬！餐厅空间都好大，大把位坐，坐得都几舒服！先叫咗一客「烟三文鱼凯撒沙律」（$50），连埋餐咁嗌都系加$4，不过谂住呢个只系前菜就无叫套餐喇，一嚟到，真系好有惊喜！沙律超级大碟，菜量极多，烟三文鱼都唔少，拼埋只杯度就更加感受到佢有几大份，十分抵食！生菜好新鲜，加上酸酸甜甜嘅沙律酱，又有面包碎，好开胃，烟三文鱼好香口，系一个好好嘅前菜！主菜就叫咗「烧美式黑椒西冷牛扒」（$71），嚟到时又系哗一声咁大碟！牛扒可以切到9、10块，烧得刚好唔会韧，黑椒汁好香浓，点酱嚟食好滋味。跟餐可以配饭、意粉等等，我就拣咗薯条。薯条份量有好多，点茄汁同黑椒酱都得，一定够晒饱肚！最后餐饮就叫咗「热鲜奶咖啡」，加埋大都系加$13，杯咖啡都真系好大杯，饮极都有，咖啡味道好香浓，仲有好多唔同饮品选择！呢餐真系又丰富又好食，好推介大家去试吓！
餐厅空间都好大，大把位坐，坐得都几舒服！
先叫咗一客「烟三文鱼凯撒沙律」（$50），连埋餐咁嗌都系加$4，
不过谂住呢个只系前菜就无叫套餐喇，
一嚟到，真系好有惊喜！沙律超级大碟，菜量极多，烟三文鱼都唔少，
拼埋只杯度就更加感受到佢有几大份，十分抵食！
生菜好新鲜，加上酸酸甜甜嘅沙律酱，又有面包碎，好开胃，
烟三文鱼好香口，系一个好好嘅前菜！
主菜就叫咗「烧美式黑椒西冷牛扒」（$71），
嚟到时又系哗一声咁大碟！牛扒可以切到9、10块，
烧得刚好唔会韧，黑椒汁好香浓，点酱嚟食好滋味。
跟餐可以配饭、意粉等等，我就拣咗薯条。
薯条份量有好多，点茄汁同黑椒酱都得，一定够晒饱肚！
最后餐饮就叫咗「热鲜奶咖啡」，加埋大都系加$13，
杯咖啡都真系好大杯，饮极都有，
咖啡味道好香浓，仲有好多唔同饮品选择！
呢餐真系又丰富又好食，
好推介大家去试吓！
张贴
