影片
更多
2023-02-13
179 浏览
旺中小食林林种种，但帮衬过几间，最满意同印象深刻嘅都系呢间encore咗几次，香港少有嘅好味章鱼烧店。先讲外皮馅料方面，最值得一赞嘅系个皮厚度适中，入口唔会成口粉，咬开有啖啖章鱼粒，章鱼份量都几多亦够软淋。至于味道方面，每款酱料配搭各有特色都值得一试，但强烈推荐沙律蛋味，表面淋有沙律酱配一堆薯蓉，大量嘅薯蓉令口感层次更丰富更上一层楼，味道同沙律酱好夹，个人认为呢款最出色。其他口味虽然唔惊艳，但味道都可以，原味只有简单嘅配料（紫菜、木鱼花），但因为外皮做得出色及章鱼馅料份量十足，钟意传统经典口味嘅可以一试，亦系不错选择。樱花虾味：樱花虾份量唔少，表面洒有少少辣粉，配酸甜口嘅千岛酱，配搭味道几新鲜特别蜜糖芥末味：整体系甜味多过芥末味，所以入口唔会觉得呛鼻，味道不过不失香葱味：葱嘅份量几多，葱香味好足，葱花爱好者福音明太子/蟹膏味：明太子同蟹膏酱唔算浓，中规中距整体嚟讲大部分口味都唔错，馅料同外皮亦系中上水准，可以一试再试，食过翻寻味！
先讲外皮馅料方面，最值得一赞嘅系个皮厚度适中，入口唔会成口粉，咬开有啖啖章鱼粒，章鱼份量都几多亦够软淋。
至于味道方面，每款酱料配搭各有特色都值得一试，但强烈推荐沙律蛋味，表面淋有沙律酱配一堆薯蓉，大量嘅薯蓉令口感层次更丰富更上一层楼，味道同沙律酱好夹，个人认为呢款最出色。
其他口味虽然唔惊艳，但味道都可以，原味只有简单嘅配料（紫菜、木鱼花），但因为外皮做得出色及章鱼馅料份量十足，钟意传统经典口味嘅可以一试，亦系不错选择。
樱花虾味：樱花虾份量唔少，表面洒有少少辣粉，配酸甜口嘅千岛酱，配搭味道几新鲜特别
蜜糖芥末味：整体系甜味多过芥末味，所以入口唔会觉得呛鼻，味道不过不失
香葱味：葱嘅份量几多，葱香味好足，葱花爱好者福音
明太子/蟹膏味：明太子同蟹膏酱唔算浓，中规中距
整体嚟讲大部分口味都唔错，馅料同外皮亦系中上水准，可以一试再试，食过翻寻味！
张贴
