秋山和食屋 (已結業)

店舖细细，试过wall-in，但要等四十五分钟。因为好想食，所以一于订定枱。和牛蛋饭本来怕冇汁，会唔会好干食个饭。但原来有蛋同烧和牛嘅汁，捞埋饭，好好味。烧和牛，生熟程度啱啱好，一啲都唔韧，咬落去连带啲烧汁，真系好好味。带子海胆饭友人食嘅。刺身好新鲜。炸豆腐即炸，分开一半嘅时候系出哂烟。佢炸浆部分好薄，唔会有啲好厚而肥腻嘅感觉。配埋佢嘅酱汁，好夹，而且唔会系得个咸味。鸡泡鱼干同样烧得啱啱好，软硬适中，唔使‘点’酱都已经好好味。高质、地点方便、价钱适中，要再帮衬呀。