八妹雞煲

营业中

休息中

好耐以前喺九龙区食过八妹鸡煲，一直念念不忘，之后知道佢已经冇做... 点知无意间发现原来开咗喺大埔！叫咗一只鸡，中辣唔算话好辣，不过食到尾，啲酱汁煮结咗就会辣左！鸡份量好多，切到好大件，啖啖肉 鸡煲酱汁都好够味食到鸡就加汤打边炉！叫左份大嘅手切肥牛，牛味好香，好食！另外当然唔少得猪！叫左个西班牙猪腩片，切得够薄，渌一阵先入口入口即溶，好香口！另外仲叫咗份水鱿，好有光泽，睇得出好新鲜。食落去好爽弹鸡髀菇好索汤，吸晒啲汤嘅精华好正仲有我超级钟意嘅手打鸳鸯滑，分量比想像中大，续啲续啲咁样渌，本身嘅食材味都好出，另外仲有啲粒粒咬口当然唔少得我最爱嘅炸鱼皮！好脆又厚薄适中食食吓仲叫咗个滑牛肉，都系好新鲜，不过我自己就比较钟意手切肥牛～嘢饮就叫咗两杯柠咸柑桔，系用左啤酒杯架好抵饮～虽然价钱方面都算系中上，不过佢嘅食物质素真系几高，对得住佢个价钱 瞓喇亦都好大份，冇呃钱