至尊重慶雞煲 (創興廣場)

营业中

休息中

前几日约咗个好耐冇见嘅朋友一齐食dinner，难得一见梗系想倾耐啲，于是就去咗呢间旺角创兴中心嘅至尊重庆鸡煲。我哋大概六点左右去到，未算好多人，所以都好好彩坐到靠窗嘅卡位。虽然得两个人，但张枱都好大张，块玻璃窗又超大，一路望住街景一路食真系好舒服。本身因为朋友怕辣所以鸡煲我哋拣咗半只中辣。结果食落觉得啲汁嘅甜味同辣味平衡的好好，连唔太食得辣嘅friend都食得好开心。而啲鸡肉都畀得唔少，我哋两个人清完啲鸡已经成只碟都系鸡骨，真系超满足。餐厅嘅指引系食完鸡放花胶、水鱿鱼、牛柏叶，最后再落汤。水鱿鱼同牛柏叶都好快熟而且非常入味，真系冇教错！任食嘅火锅配料都有好多，有菜，响铃啊猪牛羊呢啲当然唔少得。不过其实食完鸡同埋啲牛柏叶𠮶啲我哋都有啲饱，火锅配料都唔系食咗好多。最后再加埋个红薯粉同公仔面，同个汤底好夹。饮品都系任饮嘅，饮返杯茶解解腻先。仲有雪糕，不过太饱啦冇食到。