影片
更多
2022-08-15
272 浏览
一早听闻呢间餐厅高质，试过之后真系有同感，由于预早book定枱嘅关系，当晚我同友人一去到已经可以入座，见到门口一大堆人喺度等位，就知道呢一间餐厅一定有返咁上下质素。先讲环境，食店空间唔算大，长方形格局，四边墙身设计系以80、90年代嘅香港街道同霓虹灯牌为主题，非常有特色；其中一边放左装雪糕同酱油嘅区域，另一边就放左几部汽水柜，俾客人攞野饮；最后唔少得嘅就系时菜区，有生菜、油麦菜、娃娃菜同埋大通菜俾食客拣。我地获安排坐一张二人枱，虽然空间细细，但星期五晚可以唔使等位嘅情况之下，又有一张唔使搭枱嘅独立二人枱，都算系唔错架喇！打边炉之前会食左鸡煲先，我地嗌左小辣，鸡肉十分嫩滑，味道浓郁，份量亦足够两个人食；之后就打边炉，餐厅本身已经配备好一壶汤底俾食客食完鸡煲之后随即落汤做火锅底。我地今次要左套餐B，同套餐A比较，肥牛款式会多啲、生蚝任食同埋啤酒任叫。整体嚟讲，食物质素良好：肥牛无雪藏味，入口即化；海鲜方面，是晚海鲜系蛏子，新鲜且味道唔错，每一份嘅份量亦唔少，非常大方；另外值得一赞嘅系手打虾滑，非常之弹牙同有虾味，胜过同类型火锅店！不过，喺众多食物配料之中，最令我期待同时最令我失望嘅，就系要
先讲环境，食店空间唔算大，长方形格局，四边墙身设计系以80、90年代嘅香港街道同霓虹灯牌为主题，非常有特色；其中一边放左装雪糕同酱油嘅区域，另一边就放左几部汽水柜，俾客人攞野饮；最后唔少得嘅就系时菜区，有生菜、油麦菜、娃娃菜同埋大通菜俾食客拣。我地获安排坐一张二人枱，虽然空间细细，但星期五晚可以唔使等位嘅情况之下，又有一张唔使搭枱嘅独立二人枱，都算系唔错架喇！
打边炉之前会食左鸡煲先，我地嗌左小辣，鸡肉十分嫩滑，味道浓郁，份量亦足够两个人食；之后就打边炉，餐厅本身已经配备好一壶汤底俾食客食完鸡煲之后随即落汤做火锅底。我地今次要左套餐B，同套餐A比较，肥牛款式会多啲、生蚝任食同埋啤酒任叫。整体嚟讲，食物质素良好：肥牛无雪藏味，入口即化；海鲜方面，是晚海鲜系蛏子，新鲜且味道唔错，每一份嘅份量亦唔少，非常大方；另外值得一赞嘅系手打虾滑，非常之弹牙同有虾味，胜过同类型火锅店！不过，喺众多食物配料之中，最令我期待同时最令我失望嘅，就系要套餐B先食到嘅生蚝，因为食落有明显嘅腥味，完全唔够新鲜.......所以我建议大家可以拣返套餐A，一嚟套餐A啲食材款式已经够多，唔怕无选择；二嚟套餐B最大嘅卖点就系生蚝，但生蚝质素唔掂嘅话就失去左呢个套餐B嘅最大价值，可以悭埋呢几十蚊嘅升级费用。
最后讲下甜品，虽然佢无某啲火锅店咁用M字头雪糕做招徕，但我觉得佢只乳酪雪糕都非常之好味，佢有两只味：原味乳酪同朱古力味，由于时间唔够嘅关系，我只系食左朱古力味一款，下次帮衬会试埋原味乳酪！
总括而言，18楼鸡煲火锅专门店真系一间高质鸡煲+火锅，每人盛惠$284，性价比嚟讲都算几高！三五知己食放题，呢间系一个唔错嘅选择(但要预早Book定枱先~)
鸡煲
18 浏览
0 赞好
0 留言
张贴
