肥仔海南雞專門店 (福康工業大廈)

营业中

休息中

放工后好肚饿，就黎咗九龙湾揾朋友一齐食饭。我地叫咗半只口水鸡，转套餐，再叫咗个炖汤饮。口水鸡有好多辣椒系面，辣得好过瘾岩晒无辣不欢既朋友，鸡肉好滑，真系无乜骨，唔怕食到好麻烦，鸡皮都厚，如果唔系减肥我都想食晒佢啊套餐既饭都好多，我都食唔晒啊。鸡肉下面有唔少青瓜铺底，食鸡食到腻既时候可以食返几旧酸酸地好开胃既青瓜中和一下。另外，跟餐既鸡汤都唔错，唔会太油，仲有d冬瓜清热。跟餐既娃娃菜都算鲜甜，不过我个人就中意再淋d入味d。最后叫咗个炖汤，有罗汉果、松草花、猪肉、鸡脚同龙眼等，饮落喉咙即刻舒服晒，唯一缺点就系比较油。以为会好鞋既猪肉反而几淋，仲几好味，而鸡脚都好滑。