棽粵

营业中

休息中

能欣赏到维港景色嘅高质中菜餐厅-棽粤，位于铜锣湾谢斐道535号Tower 535 25楼。 餐厅楼底好高，水晶吊灯非常吸晴！仲设有独立落地玻璃房间同露台茶座，装修环境高贵气派，好适合家庭聚会或者请客食饭。听讲呢度仲系由米芝莲星级厨师料理菜式，依家中午仲推出点心套餐，相当抵食，包括六款点心、一款饭同埋两款甜品，只系298/位，好抵食。蟹皇蒸烧卖同菜苗带子饺好大粒而且够新鲜热辣，蟹皇蒸烧卖有著蟹嘅鲜香，肉质唔错，菜苗带子饺嘅皮晶莹剔透，带子好高质大粒。鲜竹牛肉球卖相饱满大粒，牛肉鲜嫩多汁。蜜汁叉烧肥瘦适中，入口甜蜜。蜂巢带子芋角呢个点心有惊喜，比想像中好味，表面有粒带子，用脆香酥皮包住中间系绵密口感嘅芋头蓉。菠萝叉烧包热辣辣嘅菠萝包，内里有菠萝粒同丰富嘅叉烧，叉烧酱汁流出黎，入口松软富有层次。上汤煎粉果仲跟埋一碗汤，表皮脆香，咬开仲有丰富汤汁嘅粉果，好香口。梦粤招牌黑豚肉炒饭炒饭粒粒分明，干爽入味，黑豚肉质唔错，份量亦好满足！清香竹叶角及新疆红枣糕甜点都不马虎，竹叶角打开之后系白色糯米糍，充满竹叶清香，红豆蓉口感甜蜜。新疆红枣糕湿润软滑，红枣味突出，唔会太甜，好味。