Steak Bar (已結業)

终于黎食牛，呢到出名吉列牛，不过今次想食扒就无叫到，服务相当好，待应慢慢介绍菜单等你慢慢拣，仲有好多酒拣，不过自己少饮酒就无叫到，今次叫左两个套餐，连埋加一，每人平均$260。顶级板腱牛扒 $215套餐包前菜，沙律同饭，前菜系芝麻酱豆腐，豆腐够滑口。沙律正常菜够新鲜爽口。饭会有拌饭粉紫菜芝麻配埋，增加口感之余又增加香口，即刻将个饭升华。板腱就姐牛嘅膀头位，油脂比较少。成块好厚身，根就有少少，但肉质淋身，牛肉味浓。澳洲黑毛安格斯西冷 $258西冷就相对大块好多，肉汁好多，叫五成煮得岩岩好，味道更出更好味。真心推介食西冷。