影片
更多
2024-03-28
684 浏览
Holiday mood系唔同啲嘅…老细今晚又带我去食靓嘢！！呢间嘢听就听过好多次～今次第一次嚟，果然名不虚传！！一入门口惊见龙椅一张～够晒气势！🥳👍🏻店内陈设精致，仲提供中国服饰畀你打卡，佢用唔同嘅宫同殿嚟分区，好有皇宫氛围～咁就等哀家好好介绍一下有乜好嘢食啦！🥳🤣昭阳公主椰子鸡汤锅：个汤用咗新鲜椰子同半只鸡，汤底仲有大蚬，未打边炉，一煲滚就饮返碗先！！汤底非常清香甜美，淡淡嘅椰子味…浓浓嘅鸡香…真系饮到停唔到口！！鸡肉用慢火慢慢浸熟，非常嫩滑！！艾沙公主牛肉宝盒：呢个好明显系打卡必备啦！😍一上枱喷出浓浓嘅仙气～宝盒内有安格斯牛肉、本地牛肉、本地手切肥牛、顶级雪花肥牛、牛腱、牛舌心、牛肉粒同黄喉～色泽鲜红亮丽，全部都好香肉味，各有唔同嘅质感，配埋鸡汤，真系一绝！！伊比利亚橡果猪：呢个系真系可以媲美和牛嘅猪肉片～肉质非常爽脆，又有肉汁，轻轻涮几下就搞掂，肉味香浓，我觉得系今日mvp！必点！手打蟹子墨鱼丸：大大粒～成个乒乓波咁～两个人叫四粒啱啱好，墨鱼丸口咁非常弹牙，而且有浓浓嘅墨鱼香味！香香公主响铃拼盘：老细打亲边炉就一定要食响铃，拼盘即系普通响铃+黄金响铃，炸到脆卜卜～就算唔浸汤就咁
一入门口惊见龙椅一张～够晒气势！🥳👍🏻店内陈设精致，仲提供中国服饰畀你打卡，佢用唔同嘅宫同殿嚟分区，好有皇宫氛围～咁就等哀家好好介绍一下有乜好嘢食啦！🥳🤣
昭阳公主椰子鸡汤锅：个汤用咗新鲜椰子同半只鸡，汤底仲有大蚬，未打边炉，一煲滚就饮返碗先！！汤底非常清香甜美，淡淡嘅椰子味…浓浓嘅鸡香…真系饮到停唔到口！！鸡肉用慢火慢慢浸熟，非常嫩滑！！
艾沙公主牛肉宝盒：呢个好明显系打卡必备啦！😍一上枱喷出浓浓嘅仙气～宝盒内有安格斯牛肉、本地牛肉、本地手切肥牛、顶级雪花肥牛、牛腱、牛舌心、牛肉粒同黄喉～色泽鲜红亮丽，全部都好香肉味，各有唔同嘅质感，配埋鸡汤，真系一绝！！
伊比利亚橡果猪：呢个系真系可以媲美和牛嘅猪肉片～肉质非常爽脆，又有肉汁，轻轻涮几下就搞掂，肉味香浓，我觉得系今日mvp！必点！
手打蟹子墨鱼丸：大大粒～成个乒乓波咁～两个人叫四粒啱啱好，墨鱼丸口咁非常弹牙，而且有浓浓嘅墨鱼香味！
香香公主响铃拼盘：老细打亲边炉就一定要食响铃，拼盘即系普通响铃+黄金响铃，炸到脆卜卜～就算唔浸汤就咁食都好好味！黄金响铃再加上淡淡嘅咸蛋黄香味，食味一流！！
香香公主杂菇拼盘：除咗蔬菜之外，仲有金菇、秀珍菇、鸡髀菇同木耳，正好中和一下大量嘅蛋白质！
自家制竹蔗茅根水：一上枱个壶就已经够晒睇头啦！清清甜甜…感觉好润喉，打边炉就啱晒啦！
其实选择真系好多，净汤底都有六七款，全部食材都好新鲜，连饮品都非常多元化，见隔离枱仲叫咗大大个啤酒塔，原来九点半后入座仲有七八折～真系好抵呀！！下次真系要约埋班friend嚟大擦一餐！！
张贴
