影片
更多
2022-02-17
914 浏览
今日喺观塘买嘢，行过见到有一间装修得几好嘅cafe，地方阔落，所以一于同男朋友入嚟食个lunch。由于我哋唔算太肚饿，所以我哋就叫咗一份烟三文鱼扒伴杂菜沙律同埋一份蒜辣扒大虾扁意粉，至于饮品就叫咗一杯Matcha latte 同埋一杯Honey peach fruit tea。呢间餐厅好贴心，会有免费送嘅前菜同埋曲奇畀我哋食，前菜嘅多士整得好香脆，上面嘅配料酸酸甜甜咁样好开胃，真系好啱做餐前小食。沙律烟三文鱼摆得好靓，真系好似一朵花咁，入面仲有好多沙律菜蕃茄仔同埋青瓜，食落好清新，而且都好足料有好多块烟三文鱼。意粉超好食，同埋好大碟，数落有四只大虾咁多，大虾好弹牙，调味亦都好好食，有少少辣，而蒜蓉味亦都好够。我哋都有叫到甜品，叫咗一份朱古力布朗尼蛋糕，蛋糕上面有合桃，整体够湿润，朱古力味好浓，系几出色嘅蛋糕。饮品都唔错，蜜桃茶清新，唔会太甜，蜜桃香味天然，而matcha latte 好重 matcha 味， 上面嘅拉花都好靓啱晒用嚟打卡。呢间cafe整体好唔错坐得好舒服，而且播住音乐气氛好舒服，超适合同朋友倾计。温馨提示：原来佢系冇加一架咁样就真系更加抵，建议嚟开观塘都可以试下，我谂一
由于我哋唔算太肚饿，所以我哋就叫咗一份烟三文鱼扒伴杂菜沙律同埋一份蒜辣扒大虾扁意粉，至于饮品就叫咗一杯Matcha latte 同埋一杯Honey peach fruit tea。
呢间餐厅好贴心，会有免费送嘅前菜同埋曲奇畀我哋食，前菜嘅多士整得好香脆，上面嘅配料酸酸甜甜咁样好开胃，真系好啱做餐前小食。
沙律烟三文鱼摆得好靓，真系好似一朵花咁，入面仲有好多沙律菜蕃茄仔同埋青瓜，食落好清新，而且都好足料有好多块烟三文鱼。
意粉超好食，同埋好大碟，数落有四只大虾咁多，大虾好弹牙，调味亦都好好食，有少少辣，而蒜蓉味亦都好够。
我哋都有叫到甜品，叫咗一份朱古力布朗尼蛋糕，蛋糕上面有合桃，整体够湿润，朱古力味好浓，系几出色嘅蛋糕。
饮品都唔错，蜜桃茶清新，唔会太甜，蜜桃香味天然，而matcha latte 好重 matcha 味， 上面嘅拉花都好靓啱晒用嚟打卡。
呢间cafe整体好唔错坐得好舒服，而且播住音乐气氛好舒服，超适合同朋友倾计。
温馨提示：原来佢系冇加一架咁样就真系更加抵，建议嚟开观塘都可以试下，我谂一坐就可以坐一日。
张贴
