House 000 Bistro

营业中

休息中

想同朋友揾间静静哋嘅餐厅食饭倾计，House 000 Bistro绝对系合适嘅选择！餐厅环境幽静，复古嘅装修风格好有情调。菜式亦好精致，第一感觉已经非常好👍🏻 哈密瓜火腿配有机菜🍈薄片火腿咸香，哈密瓜腍甜清新。 特选生蚝🦪每枱可以$50加购特选生蚝两只。生蚝鲜甜，肉质爽滑。 松露蘑菇汤🍄 好香松露味，但唔会太抢。蘑菇蓉浓厚。椰菜花海鲜汤🥦菜花本身嘅甜味，仲有阵阵坚果味，成个汤好creamy。鱼干🐟好香口，一啲都唔腥。愈食愈过瘾😆 香煎法式鸭胸配新鲜蓝莓酱🫐鸭胸用慢煮方式处理，然后用法式煎法，外脆内嫩，唔会柴口。配埋红薯同南瓜打成蓉，提升层次。加上蓝莓酱可以解腻。 卡邦尼意粉同坊间大部份嘅卡邦尼意粉唔同，餐厅冇用奶，而系用日本蛋烩煮，蛋黄沾满每条意粉，一样咁滑，仲多咗阵蛋香味😋 甜品（什果啫喱）热情果酱酸酸甜甜，椰果有咬口。