打邊爐

营业中

休息中

今日屋企老细请食饭， 我哋一行四个人，唔计埋手推bb， 就拣咗呢间喺佐敦嘅火锅店，因为睇过d相，内笼够大， 冷气够冻， 带埋4岁囡囡去食定要拣一个地方来自大， 坐得够舒适，无他因为佢个世界级港女。我哋叫咗个好足料嘅靓煲底， 椰子沙白蚬蟹锅 ，有原只蟹， 椰子切条， 中尺寸嘅蚬， 呷一口汤清甜。 汤滚起后，先捞底嘅蚬肉食 , 否则甩肉之后就好难揾番出嚟食，浪费了。小食方面叫咗个黄金炸鱼皮， 惹味松脆，但食完好有内疚感。安格斯肥牛， 砌得好靓，一睇就知系靓牛肉。 梅菜猪肉丸 呢个呢个第一次食， 梅菜酿在中间，为平凡猪肉丸添加味道。凤城水饺超足料，大大只，内有木耳，原只虾，猪肉，食得出新鲜。野菌杂菜盆菜有砌得好靓，有切片冬瓜，原粒蕃茄， 粟米， 三至四种菌类，及最少两种青菜， 出面净系单一个菜都要88蚊，呢度咁多款都系88蚊一盘，好抵。唔记得讲佢嘅小食—荞头，同埋饮品都好正， 最后仲送咗个西米露甜品。