K-Palace

营业中

休息中

最近误打误撞发觉到有间韩国嘢几好食👀佢系位于黄埔嘅平民区～我记得依个铺位以前好似系西班牙餐厅唔知几时转左手呢😌入到间餐厅劲似去咗韩国家庭式嘅餐厅咁👀侍应系韩国人黎，所以要用英文沟通🤣首先佢会比一碟三款嘅前菜～有泡菜芽菜同埋应该系黑豆！第一次食黑豆前菜几特别今次叫咗酱油蟹试吓🦀只蟹劲多蟹膏😍😍同埋食得出劲新鲜！之前试过其他舖头会觉得有少少反胃，但系呢一间我系会追住食😋之后佢仲有个紫菜饭可以Max埋一齐嚟食😋性价比劲高！另外我哋再叫咗个无骨猪手！本人系好少食有骨嘅嘢，所以见到个猪手冇骨就即刻叫咗😗嚟到个份量超级多！个人认为可以四个人share可惜我哋得两个人所以都唔系太食得晒但系佢俾咗生菜我地，可以好似平时食烧肉咁样包住嚟食！第一次系包住猪手食，感觉劲特别同埋只猪手都几入味😋😋