Outdark (飛達商業中心)

营业中

休息中

/再访Outdark都keep到水准 难怪晚市都几多人.🍗香蒜蜜糖炸鸡半份 ($138)虽然只系半份但份量都唔少 应该都有起码六旧鸡件 炸鸡嘅皮就算沾满酱汁都维持到脆口 肉质几嫩 香蒜蜜糖调味几惹味同埋开胃 除咗炸鸡 佢仲会有唔少薯角薯格同埋薯条做配菜 热辣辣好香口 唔使怕斋食鸡好单调.🐮烤牛肉炒粉丝 ($103)一上枱以为份量唔大但食落都几饱肚 粉丝炒得非常入味烟靭 牛肉份量亦都唔少 仲有加埋其他蔬菜丝入口会更加爽 虽然有辣椒丝但系冇乜辣味 唔食辣嘅朋友都唔使怕.🍳鸡蛋饭卷 ($98)之前已经试过佢牛肉饭卷 见鸡蛋饭卷系晚市限定就试吓佢 虽然佢馅料貌似冇其他饭卷咁多样 但系味道嚟讲绝对唔会输蚀 鸡蛋馅食得出有放芝士好软熟 有啲似玉子烧嘅感觉几特别.🍺Outdark Rita ($88)呢杯饮品应该系呢度嘅signature 大大杯一上台都几震撼 酒再加埋果汁比较易入口.🥭芒果梳打 ($38)梳打味道清新，亦都系大大杯，配埋韩国嘢食一绝.Outdark📍旺角弥敦道613号飞达商业中心2楼.#anygoodfood_hk#anygoodfood_Mongkok.#food #foodie