影片
更多
2019-10-27
690 浏览
今日去哈佬喂，出发之前就餐劲嘅，费事入到去被人”汤”。于是去咗新都会果度揾食，行咗一轮就比新麻蒲BBQ吸引咗去，佢门口menu大大块好容易睇。等咗一阵就入咗去，门口望落好似有啲细，不过入到去都几大，而且啲位好阔落，全部都系卡位，有梳化，唔使坐木板凳/铁皮凳咁逼涩。本身谂住叫个午餐就算，但系谂住放弃今晚果餐食饱啲，所以就叫咗个二人餐，牛餐套餐1。未叫之前其实店完已经送咗啲前菜来，所以一路食一路睇。叫完个餐无耐开始上送，先来嘅系套餐前菜。哈哈，又有前菜食，呢餐唔饱都几难，店员重问我地要唔要添前菜...讲返前菜，一开始有泡菜，海带同生洋葱，每样都好好食，清而不淡，泡菜唔系太辣，我谂系谭仔嘅11辣，系一个对食得辣嘅人黎讲唔存在嘅级数，对我黎讲数接受到。之后set炉，因为个餐送炉边蛋，set炉果阵set埋同上餐前前菜。同一开始果啲大有不同，又系啲似，有沙律，生菜同辣酱大豆芽。沙律只汁好似溶咗嘅芝麻雪糕咁，好香甜，好新鲜嘅配搭。 大豆芽捞辣酱好似食泡菜咁好爽口，开胃。生菜最后我地拎咗去烤嘅... 食前菜期间已经上埋肉果啲同部队锅，太多野了，无遐兼顾啲肉，就开中火将佢地围起炉边慢慢烤，再食其他野。佢
于是去咗新都会果度揾食，行咗一轮就比新麻蒲BBQ吸引咗去，佢门口menu大大块好容易睇。
等咗一阵就入咗去，门口望落好似有啲细，不过入到去都几大，而且啲位好阔落，全部都系卡位，有梳化，唔使坐木板凳/铁皮凳咁逼涩。
本身谂住叫个午餐就算，但系谂住放弃今晚果餐食饱啲，所以就叫咗个二人餐，牛餐套餐1。
未叫之前其实店完已经送咗啲前菜来，所以一路食一路睇。叫完个餐无耐开始上送，先来嘅系套餐前菜。
哈哈，又有前菜食，呢餐唔饱都几难，店员重问我地要唔要添前菜...
讲返前菜，一开始有泡菜，海带同生洋葱，每样都好好食，清而不淡，泡菜唔系太辣，我谂系谭仔嘅11辣，系一个对食得辣嘅人黎讲唔存在嘅级数，对我黎讲数接受到。
之后set炉，因为个餐送炉边蛋，set炉果阵set埋同上餐前前菜。
同一开始果啲大有不同，又系啲似，有沙律，生菜同辣酱大豆芽。沙律只汁好似溶咗嘅芝麻雪糕咁，好香甜，好新鲜嘅配搭。
大豆芽捞辣酱好似食泡菜咁好爽口，开胃。
生菜最后我地拎咗去烤嘅...
食前菜期间已经上埋肉果啲同部队锅，太多野了，无遐兼顾啲肉，就开中火将佢地围起炉边慢慢烤，再食其他野。
佢个部队锅几好，冇落泡菜落去，唔会整到好似辛辣面咁。
有厚切午餐肉，司华力肠，韩式年糕，菜类，重有腩肉片同肥牛，好丰富，而且个汤好清甜，好好食。
食完个面同前菜都饱咗九成，重有一堆烤肉要处理，惟有慢慢食。另外我地叫咗两杯饮品，青柠柚子梳同埋蓝天柠檬汽水。
我果杯系柚子，几好饮，不过多啲柠檬就更好，因为柚子汁本身都甜，饮野我中意酸啲。放杯野一阵啲柚子会容易啲搞匀，一开始可能雪柜拎出黎加入去，会硬会啲。虎虾好鲜甜，好有海虾嘅鲜味，两条唔够喉。
牛肋排望落似猪颈肉咁，大火烤完好爽脆，不过腌果只汁太甜。牛肋骨同霜降牛肉就好啱我食，少少盐同调味料，唔使酱汁都已经好好食，因为烧完啲脂肪会逼哂香味出黎，一食落去好香牛油味，肉又爽脆，好好食。
食完肉就食最上层啲菜类，同埋有系糕同猪肉肠，条肠中间有啲黄色嘅野，唔似芝士，烧完溶咗好似肉汁咁，令条肠唔会好斋，好好食。
菇同翠玉瓜都好新鲜好多水份，烧完都唔会干。另外年糕烧完好脆同结实，食味。
炉边蛋好似压轴咁，有两款，一款系有少少泡菜底，一款原味。
泡菜底果啲就熟啲，好似打边日炉咁，辣底通常快啲滚咁。原味就冇咁熟透，第一次食唔知道，中途搞一搞佢应该会好啲。
可能我烧啲斯文，费事阵间去玩成阵味，所以之后再加大火去整熟佢
几新鲜嘅煮法，好似蛋饼咁几得意。整体黎讲，食物质素都好好，而且坐得舒服，价钱唔太贵，人多就更抵食，最重要系唔限时，聚旧都唔使赶头赶命咁食，下次会再同朋友来试下其他餐。
张贴
