平昌韓國BBQ (已結業)

今日有同事生日想食韩国嘢, 所以我哋lunch就拣咗附近平昌豪食烧肉.上次食咗楼上汉和嘅任食韩烧, 感觉良好. 今次试下平昌嘅韩烧, 睇下会唔会有唔同感觉!中午时段人流唔算多, 环境宁静, 座位间隔宽敞, 地方干净, 所以呢方面我会比满分.前菜调味不俗, 非常开胃, 会令你想不停夹嚟食平昌既韩烧炉同平时以前食开既唔同, 佢地个炉边可以煮近排新兴既炉边蛋, 两个坑分别系放芝士蛋浆同泡菜蛋浆, 等佢地煮熟左之后, 就可以食到浓郁嘅芝士蛋, 加上香喷喷烧到出哂油嘅五花腩, 配合得非常好.食韩烧一定要叫五花腩, 浸肥膏真系睇到都流哂口水. 大虾同其他肉(牛仔骨, 牛肋骨, 肥牛等等肉类) 都够哂肥同新鲜, 完全冇雪味, 用料一啲都唔马虎.可惜我地肚饿到唔记得左喂相机, 食到中间先记得影相, 最后影得两张相.服务方面平昌比较特别, 佢哋嘅侍应好好人, 有部份好似系韩国人, 要用英文同佢地沟通.因为今次唔系任食韩烧, 所以无得狂食, 价钱尚算合理, 而且质素非常高, 呢个质素嚟讲算系属于抵食之选, 钟意食韩烧嘅朋友一定要试! 可惜今次因为午市所以冇机会见识平昌既招牌菜芝士烧肋骨, 而且佢地而家有晚