新麻蒲 BBQ (形點) (已結業)

而家食韩烧嘅话新麻蒲bbq都系我通常嘅选择 因为佢价钱唔贵而且食物质素唔错 今日就一行三人嚟咗食个午餐 其实都知道佢系做紧午餐买三送一所以特登嚟食我哋要咗两个烧烤套餐之后要咗一个烤猪肉配水冷面以及牛排骨肉汤食得韩式餐一定都唔会觉得意外就系有好多前菜 泡菜 海带 大豆芽同埋一个沙律之后烤肉拼盘真系好好味 冇腌制过嘅食得出非常明显嘅牛肉味 其他腌制咗嘅我都好钟意因为个味道调得好好味 另外仲有烧大菇,金菇同鸡髀菇 出奇地鸡髀菇烧出嚟好多汁可能因为朋友有加少少水去烤烤肉配水冷面都唔错 份量好多起码有十片以上猪肉片 水冷面个份量系三个人食都够 而且系非常冰凉呢度系会有醋同埋芥辣比你自己调味 烤肉过后再配过冰凉嘅水冷面真系一流个牛排骨肉汤都系令我哋非常满意入面嘅牛排骨除咗多之外而且啲肉系一啲都唔会鞋 好有牛肉味道佢系汤嘅形式 饮起嚟就好舒服可以解到肉嘅腻 个汤里面仲会有啲韩式粉丝 吸晒牛肉汤嘅味道非常之好食 最后加埋个紫菜汤落汤当汤饭食 一流