韓牛韓式燒烤 (已結業)

哇！好耐冇食过韩烧，好挂住韩国阵味呀！收工近近地，即兴同个friend去左旺角既韩牛韩式烧烤。入到去比想像中大，啲位又够阔，坐得好舒服呀！太肚饿喇！即刻出去拎野食先！因为自助形式，乜都有得食，冷盘有剌身，海鲜，刺身既款式唔算好多，但可以止止口瘾。另外有海量既沙律水果同埋泡菜腌酸，好正呀！因为烧肉食得腻腻地，食D酸既中和下，之后又可以再食多D。最钟意佢既中华沙律同无骨泰式凤爪！够爽脆！热食有炸物同小菜，因为主力想食烧肉冇食太多，但D炸虾大大只，虾片又够脆，唔错！到最想食既烧肉喇！哇！款式比想像中多，猪牛羊鸡鱼海鲜，应有尽有，唔同部位有唔同既口感！正！肉既质素几好！烧到热辣辣，好味！仲要有职员成日黎refill 唔惊冇哂要等。最正系甜品，要留肚食！冻既有冻饼，jelly，同埋好多款唔同牌子既雪糕简！热既都有中式糖水滋润下。最令我震惊既竟然系有朱古力喷泉同棉花糖机可以自己整！系童年既味道呀！！有得食有得玩又抵食！性价比高！！正！