影片
更多
2025-01-27
266 浏览
临近农历新年当然要食餐好慰劳吓自己，同朋友嚟咗铜锣湾呢间韩式烧肉店食靓牛。见餐厅有个Special Menu ($1588)除咗有和牛盛合、仲有牛舌、五花肉、挑骨鸡翼、水果酱油鸡腿肉、鳗鱼几款肉类海鲜，另外仲有煎饼、石头锅饭同炸鸡，真系超级丰富。嚟得韩国餐厅当然会有泡菜，呢到嘅种类都唔少，有辣有唔辣，作为开胃小菜就啱晒。和牛盛合有两款寿喜烧和牛，分别系和牛西冷同和牛三筋肉，肉嘅油花好靓，分布平均，见店员轻轻烧一烧两边就食得。西冷非常软腍，油花好香；三筋肉系稀少部位，肉质腍得嚟结实，肉味香浓；点埋寿喜烧蛋汁一齐食超满足。鳗鱼鳗鱼劲大块，店员好用心帮我哋慢慢烧。边位烧到轻微脆身，鳗鱼肉质爽弹鲜甜，一d都唔腥。另外嘅几款烧肉，质素都唔错。牛舌爽口，五花肉腌过好入味，鸡翼已经挑咗骨食起嚟就非常方便，仲有水果酱油鸡腿肉嫩得嚟好滑。半半炸鸡炸鸡系双拼口味，有原味同甜辣酱味两款。炸鸡外皮好脆口，入面肉质嫩滑又juicy。个人钟意甜辣酱口味，甜甜哋带d辣，好惹味。海鲜煎饼煎饼厚薄适中，粉浆唔会太稀或者太实，入面有鱿鱼同虾等海鲜。传统石头锅饭套餐仲有个石头锅饭，如果唔食得辣就可以叫店员落少d辣酱入去捞。
和牛盛合
有两款寿喜烧和牛，分别系和牛西冷同和牛三筋肉，肉嘅油花好靓，分布平均，见店员轻轻烧一烧两边就食得。西冷非常软腍，油花好香；三筋肉系稀少部位，肉质腍得嚟结实，肉味香浓；点埋寿喜烧蛋汁一齐食超满足。
鳗鱼
鳗鱼劲大块，店员好用心帮我哋慢慢烧。边位烧到轻微脆身，鳗鱼肉质爽弹鲜甜，一d都唔腥。
另外嘅几款烧肉，质素都唔错。牛舌爽口，五花肉腌过好入味，鸡翼已经挑咗骨食起嚟就非常方便，仲有水果酱油鸡腿肉嫩得嚟好滑。
半半炸鸡
炸鸡系双拼口味，有原味同甜辣酱味两款。炸鸡外皮好脆口，入面肉质嫩滑又juicy。个人钟意甜辣酱口味，甜甜哋带d辣，好惹味。
海鲜煎饼
煎饼厚薄适中，粉浆唔会太稀或者太实，入面有鱿鱼同虾等海鲜。
传统石头锅饭
套餐仲有个石头锅饭，如果唔食得辣就可以叫店员落少d辣酱入去捞。个饭有好多配料，重点系个饭焦底，超脆好香口。
。
。
柞木炭家 (铜锣湾)
铜锣湾记利佐治街1号金百利广场3楼301号舖
。
。
张贴
