JK Brother's (已搬遷) 新店位置

今次去咗一间位于观塘既日韩餐厅，以食物质素好同份量多尼讲，价钱算超值，试咗一个芝士蛋浆饭，店员服务好好咁系我面前帮我淋蛋浆同芝士并帮我捞混啲饭，睇住佢整好吸引，芝士份量超多！出面加钱都唔会有咁多芝士，而尼个饭只系五十四蚊，份量都好多，出面食肯定唔止尼个价钱，仲送埋饮品，好抵食。然后试咗个炸鸡，炸粉份量刚好，啖啖肉无骨，而且炸得好食，放咗好耐都唔会淋，最后试咗个自家制360牛奶布甸，好重牛奶味，甜得尼唔腻又够香滑，只系9蚊就有得食。个到野食平得尼份量多同高质素，简直系平民恩物，一个饭已经可以食到好饱，配料亦都唔悭，我朋友叫咗个馒鱼饭啲配料都好多种，两个人叫咗二百蚊左右野食根本饱到食唔晒，服务好好但重点系唔收加一费用，环境好好坐得好舒服，绝对值得一试再试。