酌 (已結業)

诺士佛台一向都只系联想到饮酒或者西餐，今次试咗𠮶头新开嘅「酌」，食返啲传统啲嘅韩式餐。酌定价中上，大部分嘅食品同饮品都系一佰蚊以上，食落去就知物有所值。叫咗一味鱼汤，$108，热辣辣上枱，份量非常之大，有三大串，汤味浓，冬天保暖之选。哩道ribs（$188）真系俾足诚意！烧好嘅肉有十几旧，烧得好香口，仲要非常之非常之嫩口，配埋泡菜一齐食真系好夹。粉丝都唔可以睇小，牛肉十旧有多，粉丝都唔会太淋，味道唔会太浓。另外推介Pear Soju Cocktail，$110，有成500mL，至少够三个人份量，烧酒本身唔系人人钟意，不过佢哩款真系好味到一杯接一杯。