Chez Bistro (已結業)

我哋一班成18人嘅好朋友，为每月一聚嘅饭局揾地方都好伤脑筋，系今年年中就比我哋发现Chez Bistro，佢不但坐位唔逼夹，更有一间房间可以容纳晒我哋成班人，真系一个良朋欢聚嘅好地方👍🏼👍🏼👍🏼！佢哋嘅食品质素好高，单单头盘嘅面包系由法国急冻运过嚟，上枱前才焗香，我要食2个至满足😋。而今次嘅餐汤系南瓜汤，饮落好香甜浓滑配埋粟米粒粒令口感更加丰富👍🏼。主菜我就点了“炭烧美国顶级黑毛安格斯腹心肉配柠檬蜜糖芥末牛油汁”，一上枱望落已知无拣错，肉质软、嫩、多汁⋯⋯ 虽然无一般牛排嘅油脂香，但都无减低佢本身嘅牛肉香，配菜嘅焗薯批都一样做得出色👍🏼👍🏼👍🏼。另外朋友就拣咗“炭烧加拿大有机带骨豚配干葱红酒汁”，厚厚嘅猪排外面烧得好焦香，咬落非常松软，而配菜嘅薯蓉就滑滑中带点点薯粒增强口感，真系令人食到停唔到口呀👍🏼👍🏼👍🏼。