八蠔吧 (已結業)

今日同妈妈去海味街买海味，我地就系附近见到呢间西餐食埋dinner先番屋企，呢到好出名食蚝，好多食法都有。仲有厨师发办，岩哂心大心细嘅客人。原味生蚝我地叫左六款唔同产地，生蚝只只都好新鲜，蚝味浓郁，海水味同鲜甜度都出色，另外鲜柠檬用个袋装住，唔洗d柠檬籽跌左系生蚝到，好细心。龙虾意大利饭龙虾肉爽口弹牙，肉质扎实，味道鲜甜，意大利饭煮得软硬适中，有咬口。卡邦尼意粉正式卡邦尼意粉系用生鸡蛋去拌匀，蛋香味浓，意粉口感弹牙，烟肉肥瘦适中，炒得好香。