蘭特餅店

营业中

休息中

三号风球下大雨又大风，最好就系行商场，是日就同咗家人出嚟奥海城。行完街食完嘢，就谂住去面包舖买定啲蛋糕点心咁，经过兰特饼店见佢橱窗啲蛋糕几吸引，价钱仲相当贴地，就要几款蛋糕同饼干啦。⭐即食花胶当我喺橱窗拣紧蛋糕𠮶阵，家人发现左有即食花胶，见佢包装精美，就拣咗鲜人参花胶同杨枝甘露花胶，当今晚甜品先。呢款花胶好方便，即开即食，入面真系有唔少花胶㖞。鲜人参口味有片片人参，微甜带小小参嘅甘味。另一款杨枝甘露花胶就奶味较重，比人参口味略甜，我觉得呢款雪冻好食啲😋⭐紫薯卷蛋见颜色好吸引就拣咗条紫薯卷蛋，打开盒已经闻到紫薯味，蛋糕十分软腍，仲有滑滑嘅忌廉，好好食。⭐合桃咖啡蛋糕 & ⭐朱古力蛋糕另外家人仲拣咗咖啡蛋糕同朱古力蛋糕，口感系松软嘅海绵蛋糕，朱古力味极浓，微甜不腻，家人就钟意咖啡蛋糕嘅咖啡香味，同样都系低糖微甜嘅。⭐原味蝴蝶酥 & ⭐南瓜杏片酥最后仲拣咗两个罐装饼干（？），谂住放喺公司做零食😆蝴蝶酥相当松脆充满牛油香，南瓜杏片收上面满满都系南瓜籽同杏仁碎，呢两款零食一开封就停唔到口，好邪恶呀。估唔到样样都咁好食，一拎到返屋企就畀家人抢住食，哈哈，佢哋仲话买得少，应该要再买多几款㖞😆