淥烚年代

营业中

休息中

今日同妈咪黎尖沙咀呢头食野，见到渌洽年代呢个名好得意，就去试下。因为同妈咪食嘢，所以都想拣番d养生健康嘅野。见到汤底好多选择，就拣左鹿茸菌炖花胶鸡汤汤底。呢个汤底真系好好味！听店员讲系完全冇添加味精。所以可以放心饮埋个汤底。我地开始打边炉之前我地就忍唔住饮左两碗汤。个鸡汤好鲜甜，加埋d鹿茸菌，非常有益。完全估唔到呢个养生汤系可以用黎打边炉咁奢侈架😍食物方面，我地拣左新鲜鹅肠、牛柏叶、脆鲩鱼片、安格斯牛肉、滑豆腐、猪皮同埋三拼丸。鹅肠、牛柏叶、猪皮，非常爽口，吸左d鸡汤，好好味呀！安格斯牛肉，好嫩滑，牛味浓郁。脆鲩鱼片，鱼片鲜甜得黎好爽口。三拼丸拣左黑松露猪肉丸、清酒鲜虾丸同埋金沙牛丸。黑松露猪肉丸好香好好味。清酒鲜虾丸爽口弹牙，清酒味好香，一咬就爆汁。