影片
更多
2020-01-03
802 浏览
话说上次饮完梵高3D打印咖啡之后，男朋友似乎几钟意呢种风格嘅餐厅，于是我趁佢生日就book咗一间梵高体验馆。入到呢个环境真系好靓，近门口位置系买一啲纪念品嘅地方，即是你喺餐厅用过嘅餐具都可以喺呢度买得返。入到黎餐厅位置就可以见到墙上面有几个电子嘅梵高名作，点解系电子嘅呢？因为当你通知餐厅你朋友生日嘅时候，除咗甜品上会加上祝福语，墙上面嘅电子画都会变成Happy birthday嘅作品。佢呢度只有一个餐俾你拣，令我觉得最喜欢嘅系，佢嘅所有餐具摆设都系好靓，即是一只白色嘅碟其实都有暗花，全部花纹都系梵高嘅作品。首先会上咗个面包先，佢嘅包真系好软熟得来又好烟韧，系手造唔加化学嘢而直接花时间俾作发酵果种。佢总共有三款味道，分别系原味，提子干同榖物，上枱嘅时候仲系微暖，真系好好食。而前菜就系小牛肉拼吞拿粒，佢个小牛肉真系好嫩好软腍，再配埋油封过嘅吞拿鱼同啲配菜，口感好丰富又新鲜。再嚟就系柴鱼高汤配慢煮鲍鱼，佢除咗鲍鱼仲有一啲豆腐，豆腐汤柴鱼高汤嘅味道非常之夹，鲍鱼个汤撞埋一齐亦都好鲜味。佢个豆腐系用过类似炸皮咁嘅袋去包住个豆腐，口感好得意，而且外皮亦都索满晒个汤。主菜我哋就嗌左各一，一个系番茄炖
入到呢个环境真系好靓，近门口位置系买一啲纪念品嘅地方，即是你喺餐厅用过嘅餐具都可以喺呢度买得返。入到黎餐厅位置就可以见到墙上面有几个电子嘅梵高名作，点解系电子嘅呢？因为当你通知餐厅你朋友生日嘅时候，除咗甜品上会加上祝福语，墙上面嘅电子画都会变成Happy birthday嘅作品。
佢呢度只有一个餐俾你拣，令我觉得最喜欢嘅系，佢嘅所有餐具摆设都系好靓，即是一只白色嘅碟其实都有暗花，全部花纹都系梵高嘅作品。
首先会上咗个面包先，佢嘅包真系好软熟得来又好烟韧，系手造唔加化学嘢而直接花时间俾作发酵果种。
佢总共有三款味道，分别系原味，提子干同榖物，上枱嘅时候仲系微暖，真系好好食。
而前菜就系小牛肉拼吞拿粒，佢个小牛肉真系好嫩好软腍，再配埋油封过嘅吞拿鱼同啲配菜，口感好丰富又新鲜。
再嚟就系柴鱼高汤配慢煮鲍鱼，佢除咗鲍鱼仲有一啲豆腐，豆腐汤柴鱼高汤嘅味道非常之夹，鲍鱼个汤撞埋一齐亦都好鲜味。
佢个豆腐系用过类似炸皮咁嘅袋去包住个豆腐，口感好得意，而且外皮亦都索满晒个汤。
主菜我哋就嗌左各一，一个系番茄炖海鲜。佢入边有蚬，青口，三文鱼同鱿鱼圈。佢啲海鲜好新鲜，配埋蕃茄好鲜甜得来又酸酸地，好开胃。
另一个系红烧羊腱，个羊唔会有骚味，肉都写到好腍好入味，而佢个薯蓉亦都好幼滑。
甜品方面就系呢个咖啡味tiramisu，好幼滑，唔会太甜，加埋个朱古力底，再配埋新鲜野莓同士多啤梨，好满足。
饮品佢有好多款唔同嘅热茶俾你拣，依家啲热茶都有唔同嘅主题，又唔同嘅花茶去造成，如果唔同嘅主题都会应用返唔同嘅茶杯。就好似我呢杯仲夏向日葵咁。
而男朋友𠮶杯就系翠绿秘宝，绿茶为主嘅。食完一餐咁满足嘅晚餐加埋呢杯茶，真系超级满足。加上呢度嘅职员都好好礼貌，有一个菜都会为你换上唔同嘅餐具，绝对系一间高质正统嘅西餐厅。
张贴
