鮨樂 (MOSTown新港城中心(4期))

营业中

休息中

寻晚同朋友二人晚餐，由于已7点几，周围都好难揾位，见到呢一间冇人，朋友建议入去食唔使等，我反而惊中伏😂 不过朋友肚饿，就入去食左先算。和牛他他好好味😋有少少黑椒，唔腥，和牛肉鲜嫩，加埋蛋，好滑好好味😋火灸三文鱼 + 吞拿鱼腩三文鱼味道OK，不过不失。吞拿鱼腩油脂不够丰富，食落不够香口。三文鱼寿司正常😋鲷鱼本身新鲜，加上上面类似陈皮碎？嘅物体，提味一流，好好味👍🏻池鱼寿司都好新鲜好好味😋另外我哋仲叫左个9贯Set 同海胆寿司，不过挂住食唔记得影相😂整体来讲，味道系不错，完全唔伏。但价位系新港城住宅区来讲贵左啲，我哋两人，其实未食饱，但已经$500 几，难怪晚市都只得三、四枱客。