利寶會館

营业中

休息中

今晚老细庆功请食饭，早放工兼带我地班细嘅食翅同d特别嘅中菜～老细点菜，食翅前食个劲大粒蟹子鲜虾烧卖，鲜肉味香菇味弹牙鲜虾感，触发味蕾先～然后..翅 - 呢个浓汤鸡煲翅个汤真系淆左好耐，超级浓味！而且个翅真系靓，翅身鲜明透亮，口感仲好爽滑～蚝皇扣南非鲍鱼伴鹅掌，优雅地用刀叉食，用叉吉落只鲍鱼度已经feel到有几淋～鲍鱼弹牙、鹅掌软嫩、蚝皇酱汁提鲜，口感好丰富！仲叫左两款海鲜，头抽煎老虎虾经过煎炸后，加埋头抽好惹味！花雕蛋白蒸马友系绝对绝对要蛋白同马友一齐食先完美食到酒香甜鱼肉鲜嘅味道～好鬼特别呀未食过！咸肉台州卤豆腐煲个豆腐唔系落石膏制成架！系用盐卤豆腐，有d烟熏味，又系特别菜式～同事话呢度招牌乳鸽锁到肉汁所以皮香脆又肉嫩，我非常认同呀～最后每人一碗陈皮红豆沙、椰香脆麻花、酥皮蛋挞，先知甜品都不简单，尤其椰香脆麻花个种薄脆感、蛋香中带点椰香同蜜糖味，酥皮蛋挞嘅蛋香同挞皮都高水准～同事一致like仲有service同环境，干净企理招呼周到，一定要老细下次再万岁！