晴空日本料理

营业中

休息中

今日去咗位於次尖沙咀呢一間晴空日本料理試吓，之前一直都好想試㗎啦，開咗晚市就一於過嚟試吓啦，仲要即日book都book到，開心😄今日散叫咗一啲壽司同卷物，我覺得佢每一件壽司都好高質，魚生好新鮮。晴空海之寶石特卷一定要食啊，有海膽、三文魚子同埋拖羅，三樣食材都非常高質，好新鮮。一啖食落去好似有魚生喺口入面爆炸嘅感覺，係好好味嘅爆炸🤣赤身同埋三文魚腩都係必食，赤身食落去肥美，比一般嘅日本餐廳好食好多。三文魚腩超級厚切，食落去都係超肥美，回味無窮。另外仲嗌左幾樣熟食，例如有燒玉子、汁煮吞拿魚、炸蝦，全部熟食都還好啦，感覺上呢間餐廳嘅魚生壽司整得出色過熟食。最後因為見到OpenRice好多人推薦海膽蟹肉炒飯所以就試吓，呢道菜等咗好耐，諗住佢好用心整所以冇乜所謂啦。點知嚟到嘅時候非常失望，因為啲飯黐埋一舊(應該係水加得太多)，調味又唔夠，完全食唔到蟹肉嘅鮮味，我最後食咗幾啖就食唔落啦😅另一半形容係難食，真係非常失望😥總括來講，我覺得佢嘅魚生係非常高質同好味，但係大家對熟食嘅期望就唔好太高啦。