夢の丼 (已結業)

好耐冇食过鱼生饭，朋友话土瓜湾有间唔错，好近地铁站，就决定去食。蟹皇酱烧蟹膏豆腐见餐厅推介就点左，果然系招牌菜，豆腐烧得香滑，表面香浓嘅蟹皇酱入口即溶，非常好味！矶烧北海道珍宝帆立贝我好钟意食帆立贝，但都系第一次食咁大只帆立贝，帆立贝烧得啱啱好，而且食落口感好好，仲系有鲜味，配埋紫菜食好夹。赤鲑鱼刺身加水八爪鱼赤鲑鱼刺身肥美，位置上乘，表面有轻微烧过成功减少油腻感，水八爪鱼非常新鲜，旁边一串鱼嘴亦都好爽口😋左口鱼边寿司不过不失，烧得啱啱好，旧饭都算实，唔会一夹就散。花锦鱼生丼非常之足料又新鲜，包括有三文鱼、白身鱼、赤虾、右口鱼边、金蟹子、三文鱼子、樱花虾、蟹膏豆腐、青瓜、甜蛋、玉子渍、松叶蟹、蚬肉，全部都系切到好啱入口嘅size, 个饭底煮得唔错，调味又唔会太咸。炎之丼好少见全熟嘅鱼生丼就试吓，估唔到咁正，三文鱼蓉、右口鱼边、牛油酱烧帆立贝、海胆酱甜虾蓉同蟹膏豆腐都整得好好👍🏻总括而言，餐厅食物高质，位置方便，下次想食鱼生饭会再去。