海街丼 (海濱匯)

营业中

休息中

今日去开保险公司搞保险啲嘢，就过咗嚟呢头。呢边都几隔涉，牛头角地铁站行过嚟都仲要成8分钟，仲要冇瓦遮头，夏天咁行都几辛苦。横掂离开呢度就顺便喺度食埋嘢，行咗几层净系见到呢间日本嘢就试呢间。叫咗个海宝丼，有油甘鱼、吞拿鱼、三文鱼、三文鱼鱼子、扇贝仔、青瓜等等，海鲜都几丰富同都几多，可以每啖寿司饭都配到海鲜，而且食落都新鲜冇鱼腥味，有时最惊嗌海鲜丼佢会俾啲唔靓嘅部位你。另外个海鲜丼仲包面豉汤同前菜沙律，都够饱肚。