唐坊火鍋私房菜

朋友生日，点名想食靓火锅，咁当然要揾吓边度坐得舒服又环境靓，再加上高质嘅火锅店啦，位于油麻地嘅唐坊火锅私房菜环境好 chill 🫶🏻 落地玻璃完全将旺角嘅夜景映入眼帘，加上玻璃上面一排一排嘅柔和嘅灯光，成个气氛非常之好，而且佢嘅座位都比较阔落，所以都坐得好舒服，庆祝同埋倾偈就最适合 😍汤底拣咗药膳花雕鸡锅，汤滚起之后再将鸡加入去滚多5分钟，鸡汤一入口已经感觉到非常之鲜甜，除咗红枣同少少药材嘅香味之外，仲有淡淡嘅酒香，未开始食嘢已经饮咗一大碗 😋 至于鸡肉份量都好多，而且都系大大嚿肉，鸡翼都有淡淡的走酒香，好入味 👍🏻肉我我哋就拣咗橡果猪，店员话啲猪系食橡果大，所以肉质相对比较嫩滑，入口果然有惊喜，唔使点任何嘢其实已经好够肉香，而且就算渌耐咗，个肉质都依然keep到好滑好软 🤤另外叫咗手打三宝丸，一碟有牛丸、虾丸同墨鱼丸，牛丸劲 juicy，虾丸就好弹牙，墨鱼丸好鲜甜，全部都真材实料，好高质 😋 另外叫左蟹肉云吞配水饺，一样都系自家手工包，蟹肉云吞几特别，咬开有好浓嘅蟹嘅鲜甜味，水饺个皮都好薄，打边炉嚟讲真系算高质 👍🏻仲叫咗个炸响铃，自家炸嘅响铃除咗冇咁油腻之外，食落去豆嘅香味好重，真