埠 (已結業)

星期六下午去海马公园，所以午餐就过咗去筲箕湾揾食。之前已经揾左呢间埠，见佢啲lunch set同串烧都好好食咁样，今日终于都有机会试到。经理好好咁安排左我哋坐埋窗边，可以望住过海景食野，个人嘅心情都特别舒畅。自己本身好钟意食鳗鱼，所以就叫左呢度嘅鳗鱼釜饭三食，而女朋友就是叫咗一个串烧定食，贪佢乜都有啲可以试到多啲唔同嘅嘢。鳗鱼鱼肉细致，油脂适中，不会太干身，鱼皮微微焦香，入口即溶，美味非常。话明鳗鱼三食，除咗配上原有鳗鱼烧汁一食外，亦都可以加上芝麻、香葱同紫菜，配合少少wasabi ，呢个配搭有意想不到嘅清新。第三食就系再加上热汤，令到你即使慢慢食，食到最尾都可以有热辣辣嘅感觉。三种食法各有风味，每一种食法都刺激你的味蕾，绝对可以带到俾你惊喜。最后食埋个忌廉泡芙，咁就完美啦。