美食園林餐廳 (已結業)

之前食过佢哋嘅自家制面包🥯，有餐肉包肠仔包同菠萝包，全部都好好食！比一般面包连锁店都正好多，因为佢哋唔系空气包。于是乎想试吓佢哋嘅早餐系咪同样高质素。其实我知道呢间野嘅卫生一路都唔系几好，旧舖嘛，不过我见都好多人食，试一试啦！我结果系叫咗沙嗲牛肉公仔面餐，跟餐肠同一个餐包。其实我食唔晒嘅，听阿叔话，我可以净系拼个沙嗲牛肉公仔面，跟杯饮品，但鬼叫我又想试吓佢个餐包，于是乎都系成个餐咁叫左。要求佢分开汤上，OK不过要加钱，佢个沙嗲牛面啲肉质同好多舖头都一样，比佢哋腌制到淋晒，冇乜牛肉口感可言。餐包一如以往咁好食！早餐质素不过不失。