麻神麻辣火鍋 (已結業)

麻神位于铜锣湾Midtown, 入到去非常之舒服，因为每张枱都好大够阔落，私隐度都好足，唔会听到哂隔离枱讲野，可以话系食得十分Chill 首先我同朋友叫咗个锅系鸳鸯嘅🔸麻辣汤拼花胶鸡汤有别于一般麻辣汤底加入大量肉类同骨类，以及一大堆人工调味料、辣椒熬制，食来辣喉又燥热。麻神呢个真系当汤咁饮！十分顺喉，唔会呛到，配佢地鸭血十分入味！而花胶鸡汤好足料，好多旧算系厚身，有层胶咁😍饮完觉得好暖好补身🔸美国顶级牛小排呢个真系世界级，煮法都好特别！佢地系将生嘅牛小排攞开，然后就攞滚紧嘅麻辣汤淋落去，淋到佢变咗色就可以了，有啲似温体牛嘅做法。然后再加佢地特制辣油同少少葱！入囗非常香，亦好滑，食落个层次好丰富❤️🔸王子面煮法又系好嘅，放系麻辣锅索晒啲味，然后煮到啲面软硬适中就攞上嚟，做个捞面嘅感觉，加上葱油好惹味最后叫咗个红莓云芭，做得好食过品牌出嘅，好smooth好解重口味，食完十分清爽！