花園酒家 (已結業)

每个星期日都会同屋企人饮茶 附近酒楼都试过晒 花园酒家嘢食水准高同埋坐得最舒服 带埋老人家黎都唔怕 所以我就变咗常客 10点半前落单会有早市优惠 早起的鸟儿有平点心吃 我最钟意食有虾既点心 虾肠 虾饺 菠菜鲜虾饺 佢既粥都好好味 唔会食完好口渴 又够绵 通常都叫皮蛋瘦肉粥 皮蛋令到成碗粥都好香 仲有必点既流沙奶黄包 好多时自称流沙既都唔流心既 但呢到每次叫都系会流心既 仲要非常流 所以食既时候要小心辣咀 同埋小心食到成手都系 婆婆好钟意食花园既猪脚姜 每次黎都一定会嗌 仲要饮晒啲醋 佢真系好夸张 哈哈 姜 鸡蛋同猪手 叠到高过只碗 如果钟意食既不妨试下啊