海福樓 (已結業)

一直无为意原来九号水产有间酒楼，午市饮茶点心价钱拍得住隔离酒店中菜厅！不过我就觉得海福楼点心质素高质好多（除非海云天点心放题质素有别于散叫拉～）花雕醉鲍鱼 $68好香酒味但唔会太浓，鲍鱼有咬口但唔会觉韧，超正！蟹肉瑶柱灌汤饺 $48好大只灌汤饺好足料，仲有竹笙，卖相同味道都掂。蜜饯叉烧皇 $158肉质又腍又嫩，少少外脆内软，正！晶莹鲜虾饺 $48香菇滑烧卖 $45虾饺烧卖都系饮茶必叫点心，唔算好特别，但虾饺皮薄馅多，烧卖足料啖啖肉。百花蒸酿鱼肚 $48呢个正呀！好大件鱼肚，面头好厚一层花枝胶，弹牙加上软腍腍，口感丰富。竹笙上素斋肠 $48第一次食斋肠但一啲都唔斋，卖相几靓，馅料都多，有萝卜丝，竹笙，冬菇等等。凤城鲜虾粉果 $48蜜汁叉烧酥 $48呢两个都好食，不过对比其他点心稍为普通。